தனிமை நம்மை எப்போதும் பயமுறுத்திக்கொண்டே இருக்கிறது

தனிமை நம்மை எப்போதும்
பயமுறுத்திக்கொண்டே இருக்கிறது.

நாம் மறக்க நினைக்கும் சில நிகழ்வுகளையும்
நாம் மறந்துப்போன சில நிகழ்வுகளையும்
நாம் மறக்க வியலா சில நிகழ்வுகளையும்

அது நினைவுபடுத்திக்கொண்டே இருக்கிறது.
நாம் தனியாக இருக்கும்பொழுதேல்லாம்...!

தனிமை நம்மை எப்போதும்
பயமுறுத்திக்கொண்டே இருக்கிறது.

நமக்கு மிகவும் நெருங்கியவரின் மரணம்
நாம் மிகவும் நேசித்தவரின் பிரிவு
நம்மை மிகவும் விரும்பியவரின் இழப்பு என

அது நினைவுபடுத்திக்கொண்டே இருக்கிறது.
நாம் தனியாக இருக்கும்பொழுதேல்லாம்...!

உறக்கம் வராத இரவுகளிலும்
ஊரடங்கிய பின் வரும் விழிப்புகளிலும்
உறங்கமுடியாத பல பயணங்களிலும்

தனிமை நம்மை எப்போதும்
பயமுறுத்திக்கொண்டே இருக்கிறது.

நெரிசல் மிகுந்த நகரத்துப் பேருந்துகளில்
குழுவை மதுவருந்தும் நண்பர்கள் குழாமில்
நீண்ட நாட்களுக்குப் பின் செல்லும் ஊருக்கான ஒற்றையடிப் பாதையில் என

தனிமை நம்மை எப்போதும்
பயமுறுத்திக்கொண்டே இருக்கிறது.

வெளிஉலகை எதிர்கொள்ள பயப்படுதல்
உள்மனதை ஒதுக்கிச்செல்ல தயங்குதல்
ஒதுக்கவியலா வாழ்வின் சில அபத்தங்களை அரங்கேற்றுதல் என

அது நினைவுபடுத்திக்கொண்டே இருக்கிறது.
நாம் தனியாக இருக்கும்பொழுதேல்லாம்...!
தனிமை நம்மை எப்போதும்
பயமுறுத்திக்கொண்டே இருக்கிறது...!!!

--- பாரதிப்ரியன்